Løpsmontering

Mykje av arbeidet me utfører, har med montering av løp å gjere. Me monterer fleire hundre løp kvart år, og i veldig mange ulike kaliber.

Me har topp utstyr for å dreie og tilpasse løpsemner. Desse importerer me i dag frå ulike produsentar av kvalitetsløp i Tyskland, USA og Canada.

Me kan montere ny pipe i dei aller fleste våpen. Me har svært god kompetanse på val av løpstype, kaliber, riflestigning og andre viktige element i tilvirkinga av ei ny pipe til våpenet ditt.

Me har no på lager eit lite utval av IBI Carbonløp i cal.224-.308". Noko ulike lengder og twistar.

Pris er kr.14300,- for eit emne, montering kjem i tillegg.

Løpa er spesialbestilte for å kunne tilpassast muffene me lagar til Blaser R8. Dei er ørlite tjukkare enn Blaser sin "matchprofil".

Me har og i bestilling eit mindre antal "Alpine Hunter", som er slankare og lettare. Begrensa utval der.

Dei kan sjølvsagt brukast på det aller meste av andre rifler også.

Utan eit kvalitetsløp, er det vanskeleg å få til god presisjon, og det er vel det me er på jakt etter, er det ikkje?

Me nyttar utstyr av god kvalitet i samband med løpsmonteringane me utfører. Flytande brotsjholdar og kvalitetsbrotsjer fra JGS, Manson og PTG i USA, sikrar jevne og sentriske kammer.

Me nyttar i dag piper fra Lothar Walther, Lilja, IBI og PacNor. PacNor har vist seg å være av svært bra kvalitet, om ikkje så kjent som Lilja. Me tek berre inn "Super match" kvalitet frå PacNor. Lilja har berre ein kvalitet. Walther er jamn og god kvalitet, men dei er ikkje handlappa slik som Lilja og PacNor og dermed ikkje fullt så strøkne i innvendig finish.

Me brukar sei at 5-skot med Walther gir omtrent 15mm samling, medan Lilja og PacNor gir 10mm. Ofte kan dette vere betre, men ikkje alltid. Det er og ein del løp som viser seg å vere litt sære og dermed ikkje skyt bra med alt ein puttar i.

Dreiing av løp

Her ser me  Sverre som står og programmerar dreiing av ei pipe.

Med styrt dreiebenk kan me lage svært nøyaktige toleransar samt dreie nær sagt alt tenkjeleg av utvendig profil.

Brotsjar og tolkar

Me har ein haug med ulike kammerbrotsjar og tolkar. Dei me ikkja har, leiger me inn eller skaffar. Er dei veeeeldig spesielle må kunden ta nettokostnaden med å skaffe brotsjen.

Me har liste over brotsjar me har på lager lengre ned på denne sida.

Her ser me ei rekkje ferdig løp. Dei er tilpassa anten direkte i låskasse, eller i løpsmuffesystemet me lagar. Alle har fått ein runde Cerakote Elite-serie, samt at dei er lasergravert med kaliberinfo, twist og nokre med Rafdal Våpen bumerke.

Her ser me ei pipe med løpsbytemuffe som er klar for kamring og sluttføring.

Løpsmuffe

Løpsbytesystem har blitt veldig populært. Me lagar sjølve muffa i eit veldig seigt og sterkt stål, så tilpassar me denne til pipe og til kasse. Til slutt vert pipa kamra. Systemet vert då aldeles utan noko form for slark, og erfaringen viser at treffpunktet er det same når pipa vert skrudd attende i kassen.

Strengt tatt vert systemet sterkare slik, enn med originalpipa.

Me leverar og monterar eigne løpsmuffer for Blaser R8 også. Les meir om dette under "Blaser" på nettsidene våre.

Desse er blitt veldig populære :-)

Kor sterkt er løpsbyttesystemet me lagar?

(Ikke gjør dette hjemme)

Mange har spurt om kor mykje våpenet vert svekka med eit slikt system. No er det slik at stålet i muffa er Nimax, og det er langt sterkare enn vanleg løpsstål. Det er seigt og har ein RC på rundt 40. Tilpasningane er så å seie utan "slark" av noko slag.

Me har sjølvsagt testa kva som skjer når me fyrer av ei ekstrem overladning i ei rifle med slik muffe.

Ein M98 måtte bøte med livet, men skyttaren ville greit overlevd. Quick-Load sa eit trykk på 11500 bar, 3 gonger over max. Muffa er like fin, men pipa er bakt fast i muffa. Muffa kom greit ut av kassa.

Me utfører følgjande ved løpsmontering:

• Lappig av klakker og retting av låskassefront
• Rette gjenger i kasse (ekstra kostnad)
• Retter av løpsemnet før neddreiing, gjenging og kamring.
• Kamrar til minimum toleranser (dersom ikkje kunden vil noko anna).
• Dreier ned til ønska profil.
• Flutar pipa.
• Gjengar for demper.
• Coatar med Cerakote H -eller Elite serie
  

Me byggjer også løpsskiftesystem som fungerer svært bra. Kostar frå kr.1500,- ekstra ved montering av første pipe.

Me har stort sett dei fleste kaliber og riflestigningar på lager frå Walther og Lilja. Frå Lilja har me berre rustfrie løp på lager, men me kan ta inn alle modellar frå Lilja sitt sortimentpå bestilling. Regn med 4 mnd leveringstid frå me leverar ordre til Lilja, og det gjer me 3-4 gonger i året.

Frå Walther er det raskare med levering. Ca 2 veker er normal leveringstid.

PacNor har me eit lite utval med løp frå. Her tek me inn emner mykje sjeldnare og berre når me har samla opp ein ordre på kring 25 løp.

Normal leveringstid på ei pipe ferdig montert frå oss, er opp mot 8 veker. Dette føreset at me har pipeemne på lager.

Diskuter gjerne med oss i høve val av kaliber eller riflestigning. Til løp i raske kaliber anbefalar me rustfrie løp. Det same gjeld for våpen som skal ha lyddempar. Husk at demparen er "rustgenerator" av dimensjonar om ein ikkje er flink å skru den av etter skyting.

Albert Rafdal

Prisliste løpsmontering 1.1.2024